Filastrocche

Inviateci le vostre filastrocche via email :vecchio:
  • C’era na vota, c’era cu c’era, focularu e ciminera, focularu catti e ci ruppiru tutti i piatti.
  • Sant’Andria porta la nova ca la li sia è di Nicola, a li ottu è di Maria, a li tridici di Santa Lucia, a li venticincu di lu veru Misia.
  • Zafalija e la gatta ‘nci pendulija e lu surici friji l’ova e a gatta non ‘ndi prova. A la calata di Santa Lucia c’era na vecchia che non vidia, la lanterna ci astutau e la zia vecchia ci arrumbulau.
  • Dassa mu ti cantu la santa cardona a nomi di lu suli e di la luna. Quandu sienti la turba sparari fuji ca ammazzaru a fra Nicola. ‘Ntra na scupetta mia ‘nc’era due paji una fadi pi natra pan.
  • Oh luna deci quinta e rotonda, dicivi e si sana e mò si menza, l’agnellu cu quattru anchi e mò ‘nda due, dudici misi e mò ‘nda sie.
  • A zia monaca sutta all’umbra u zi’ monacu puru ja e facienu i cozzatumbula ‘nci potienu stroppijà
  • Carnalavari mio catti malatu e dassau na figghja schietta, ‘nci dassau tanti dinari mu ‘nci accatta la spinguletta.
  • Finu chi Gianna avia li ‘ndindi mangia, scangia, ‘mbivi e spiendi. Quandu Gianna finio li ‘ndindi, jiucu c’è la furca si vue u ti ‘mpiendi.
  • A vecchia quandu è vecchia ci perdi di virtù. La panza c’arripicchia e lu culu ci fa pù pù.
  • Cuncetta paletta, nu pumu e na’ ffetta, na sarda salata, Cuncetta a cacata! ( Inviata da Lamberto Azzariti )
  • Ninna cola Gianni!.. Ca lu patri jio a castagni, si ‘ndi porta, ti ‘ndi mangi e si no…..t’arrocculi e ciangi! ( Inviata da Lamberto Azzariti )
  • Paletta paletta signuri e cummari. Aju na fijjia chi sa jocari a lu vintottu, e facimu lu pani cottu, lu facimu cu ogghiu e sali, nesci tu cara cummari.
  • Pizzi pizzi tanguli e la porta di San’Anguli ha l’abitinu, jamu arredi lu mulinu, pe jiocari a petrusinu, petrusinu e mariuranu è vicinu Capistanu, Capistanu cu li biondi, nesci tu capiji biondi.
  • Villi villi tri cannelli pe sparari bumbicelli, bumbicelli non ‘ndavia, jimmi arredi a casa mia, ‘ndi affruntau nu porcejuzzu, lu vestimmi di monachieju e piecura e muntuni. Filu jancu e filu d’oru ‘ntra na tiana c’è qrattru gajuzzi, cu canta, cu balla cu ‘ndi va-va.
  • Pò pò pò! Jivi a Napuli e vinni mo! Accattai nu tamburinu pemmu cantu lu matinu.
  • Don don don! La campana di Zammarò, cu la sona e cu la tira no ndi mangia pani e pira.
  • Gnarrau, u gattu no mangiau, u surici friji l’ova e u gattu no ndi prova.
  • (Filastrocca del girotondo) Rota rota ti minu nu pugnu, si ti ncappu ti scufundu. Ti scufundu pe scufundari… rota rota no ti votari
  • “Arri arri cavallucciu! jamu a ‘fera cu papà, ‘nd’accattamu nu bellu ciucciu! Arri arri cavallucciu!” ( Inviata da Lamberto Azzariti )
  • (altra filastrocca del girotondo) Domani è dominica ‘nci tajiamu a testa a Minica, Minica nun c’è c’ha tajiamu a u fiju du Re! U fiju du Re è malatu, c’ha tajiamu ‘o sordatu! U sordatu jio a guerra..! Cadimu tutti cu u culu ‘nterra! ( Inviata da Lamberto Azzariti )
  • Gallinella zoppa zoppa, quanti pinni tieni in coppa? si ‘ndi tieni vintiquattru…..unu, due, tri e quattru! (questa si recita durante un giochino che si fa con le dita) Inviata da Lamberto Azzariti